Leiðbeiningar um umhirðu

Eðlilegt er að húðflúrið sé aðeins rautt og aumt fyrstu dagana.
Hins vegar, ef roðinn varir lengur en þrjá daga eða þú finnur fyrir hita á svæðinu, gæti verið að sýking sé að myndast. Þótt sýkingar í handpoke-húðflúr séu sjaldgæfar, er mikilvægt að bregðast fljótt við ef slíkt gerist. Ef þú hefur áhyggjur af sýkingu, skaltu hafa samband við mig strax.

Þegar húðflúrið grær er eðlilegt að húðin verði þurr og flagni. Mikilvægt er að kroppa ekki í flúrið, þar sem það getur valdið öramyndun og haft áhrif á loka útkomu flúrsins.

Kláði er eðlilegur og fylgir gróandanum - en það er mjög mikilvægt að klóra ekki í flúrið. Ef kláðinn er mikill getur verið gagnlegt að bera lítið af rakakremi á svæðið.

Forðastu að láta flúrið liggja í vatni í 7-14 daga, eða þar til húðin er orðin slétt viðkomu. Ég mæli því gegn sundferðum, baðferðum eða sambærilegri útsetningu fyrir vatni þar til flúrið er fullgróið.

Ef þú ert óviss um eitthvað er þér alltaf velkomið að hafa samband við mig.

Netfang : solskrikja@outlook.com

Sími : 8479101